Маригона Марку е вршител на работите амбасадор во македонската Амбасада во Вашингтон, информираат од Министерството за надворешни работи.

„По завршувањето на мандатот на претходниот амбасадор во ДКП-то во Вашингтон, како и во други ДКП-а, каде што не е назначен амбасадор – по автоматизам, дипломатот со највисоко звање станува вршител на работите (Chargé d’affaires), наведуваат од Министерството за надворешни работи.

Родена е во Дебар, а во минатото работела во Министерството за надворешни работи на Македонија.

Додипломски и магистерски студии завршила на Универзитетот на Југоисточна Европа во Тетово, пишува Тетова 1.  Овој медиум наведува дека во местото каде таа ќе биде амбасадор има многу иселеници. Се наведува дека таму постои и општина која е збратимена со Дебар. Oткако беше објавена веста за нејзиното именување на функцијата, и медиумите од Дебар ја пренесоа информацијата, по што граѓаните на Дебар честитаа, и рекоа дека се горди на неа. Наведоа дека има голема мисија пред неа. Но, твитерџиите забележаа дека се работи за млада девојка со оглед на функцијата која треба да ја врши. Дел од нив упатија критики дека се работи за несериозен потег. 

Колку за информација, во 2011 година, по повод годишнината од Министерството за надворешни работи на Македонија, Маригона Марку, која во тоа време работеше во Дирекцијата за меѓународно право, ја доби традиционалната награда за најдобар дипломат на годината, која секоја година се доделува од страна на Министерството за надворешни работи.