Откако Обвинителството соопшти дека истрагата за Кочани се проширува со нови 19 лица, со што вкупниот број на осомничени е 52, најновата вест е дека државниот јавен обвинител Љупчо Коцевски и министерот за внатрешни работи Панче Тошковски, ќе одржат заедничка пресконференција. 

„Во врска со истрагата, конкретните мерки што се предлагаат и за својството на секој осомничен во предметот за пожарот во Кочани, повеќе детали на утрешната заедничка прес-конференција на Јавниот обвинител на Република Северна Македонија Љупчо Коцевски и Министерот за внатрешни работи Панче Тошковски, што ќе се одржи во зградата на Јавното обвинителство во 12:00 часот“, информираа од Обвинителството.