Ќе бидеме во опозиција, нема ништо лошо во тоа - ова е демократија. За сега не планираме да го напуштиме парламентот. Но, овој парламент очигледно ќе трае прилично кратко, изјави министерката за надворешни работи во оставка на Бугарија Екатерина Захариева во телевизиско гостување денеска. 

Таа влезе во студиото на БТВ веднаш по Маја Манолова од „Стани! Излези! " која вчера заедно со членовите на Привремениот одбор за ревизија на Националното собрание влезе во зградата на државната компанија Булгартрансгаз.

„Јас навистина не сум видела нешто слично на тоа и воопшто што се случува во парламентот. Крајно време е да престанат да размислуваат за нивниот личен ПР. Овој настан вчера беше личен ПР на Манолова. Не беше желба да се заврши работата. Пратениците треба да бидат пример за сите, не да ја злоупотребуваат својата позиција. Ниту една политичка партија не може да ја присвојува моќта на суверениот и тие можат да си го дозволат тоа, рече Захариева.