Боре Еркечов е новиот поставен директор на  Градежниот инспекторат. 

Се пополнуваат празните директорски места а на следната владина седница ќе се одлучува и за институциите кои се без директор .

Државниот пазарен инспекторат и Инспекторатот за локална самоуправа ќе почекаат назначување на директор на седницата во вторник за кога владиниот портпарол најави назначување и на нов министер без ресор за странски инвестиции.

Покрај градежниот инспекторат нов директор пред два дена доби и скопскиот затвор во Шуто Оризари - Ѓоко Котевски .

Котевски е член на СДСМ од организацијата на територија на општина Бутел. Тој во август годинава беше назначен за директор на Управата за водење на матични книги орган во состав на Министерството за правда, функција која ја извршуваше до почетокот на месецов.