Дане Талески е нов национален координатор за НАТО.

На владината седница е усвоена информацијата дека до целосно полноправно членство на нашата земја во НАТО обврските на националниот координатор за подготовките на Република Северна Македонија за членство во НАТО ги презеде Дане Талески, советник за надворешна политика на претседателот на Владата, Зоран Заев.

Владата му утврди престанок на функцијата на досегашниот национален координатор за подготовка на Република Северна Македонија за членство во НАТО, Стево Пендаровски, поради изборот за претседател на државата во согласност со член 83 од Уставот, според кој должноста претседател на Републиката е неспојлива со вршење друга јавна функција, професија или функција во политичка партија.