Откако германскиот Институт Роберт Кох, заедно со другите земји од Западен Балкан, ја тргна Македонија од т.н „црвена листа“, од утре веќе се олеснети патувањата во Германија и ќе важат нови правила.

За македонските граѓани кои ќе пристигнуваат во Германија на копнените граници целосно нема да важат ограничувањата односно обврските за дигитална пријава на патувањето, за негативен ПЦР-тест, како и за карантин, пишува денеска Дојче Веле.

Оние, пак, кои со авион пристигнуваат на некој германски аеродром и натаму ќе мора да  имаат потврда за негативен ПЦР-тест или потврда за прележан Ковид-19 или потврда за целосна вакцинација пред поаѓањето, се наведува во извештајот на Институтот Роберт Кох. (РКИ).