На пленарна седница пратенциите ќе одлучуваат по барањето на Кривичниот суд да му се одземе имунитетот на пратеникот и поранешен претседател, Трајко Вељаноски. Тој е еден од шесте осомничени за организирање на нападот на Собранието на 27 април 2017 година.

Комисијата за мандатно- мунитетни и деловнички прашања, чиј претседател е Павле Богоевски, а во неа членува и Трајко Вељаноски, по дводневна расправа, не донесе одлука. Гласањето беше изедначено, четири „за“ и четири „против“. На гласањето, отсуствуваше пратеникот од ДУИ, Агим Шаќири.

Вељаноски заедно со екс министрите, Миле Јанакиески и Спиро Ристовски во средата беа приведени на распит поради сомнение дека се дел од организаторите на настаните од 27 април. Вељаноски се повика на пратеничкиот имунитет, додека на Јанакиески и Ристовски им беше одредена мерка притвор. Пратениците од ВМРО-ДПМНЕ тврдат дека се работи за политички прогон.