Кога може да се случи црното корона сценарио? Дали во подоцните есенски месеци, или, пак, во јануари идната година. Тоа би значело да има голем број заразени со ковид-19, а притоа да букне и сезонскиот грип, што ќе биде тешко за распознавање.

Нашите власти велат дека се подготвени, а за можниот есенски бран, за 16 те монтажни болници ќе имаат мало задоцнување и би биле готови за два месеци.

„Доколку се случи некое такво сценарио, тоа што е сега таква проценка треба да биде во во јануари. Ова сегашно намалување и одржување на состојбата со бројот на заразени се должи на летните месеци. Меѓутоа голем број предвидувања и кај нас и во светот не се оствариле имајќи во предвид дека имаме работа со непознат вирус“, изјави вчера министерот за здравство Венко Филипче.

За да се разграничи кои лица имаат ХОББ и алергии, а кои корона, ќе помогне новиот апарат на клиниката за пулмологија, ќе може да се направи брзо тестирање. Таков апарат се предвидува да има и на Клиниката за инфективни болести.