По повод постигнувањето договор од пет точки меѓу македонскиот премиер, Зоран Заев и српскиот претседател,  Александар Вучиќ, во Европската комисија оценуваат дека прашањето е решено со „конструктивен пристап“ од обете страни.

Европската унија денеска го поздрави решавањето на билатералното прашање меѓу Србија и Македонија.

„Го поздравуваме фактот што овој случај е решен на конструктивен начин. Меѓусебната почит, добрососедските односи и јакнењето на регионалната соработка остануваат основа за европскиот пат на целиот регион“- вели портпаролката на Европската комисија, Маја Коцијанчиќ во изјава за Танјуг.

Претходно таа порача дека ЕУ внимателно го следи развојот на ситуацијата меѓу Белград и Скопје, но одби да ги коментира билатералните прашања меѓу двете земји.

Утрово повикаа на воздржаност и добрососедски односи.