ЈЗУ Општа Болница Кочани изразува голема благодарност до сите кои беа присутни денес, вработените во ЈЗУ ОБ со ПД, центар за јавно здравје - Кочани, матичните лекари и приватните специјалисти од Кочани се со цел да ни помогнат во овие тешки моменти, се вели во соопштението кое се споделува на социјалните мрежи.

„Дополнително бевме појачани со екипи од здраствените домови Берово, Делчево, Виница, Неготино, Пробиштип, Железничар, Пехчево, Радовиш, Валандово, Кратово, Велес, Демир Хисар, Крушево, Битола и Ресен. Исто така сакаме да упатиме благодарност и до Црвениот крст кој со свои екипи во кои беа вклучени дел од матичните лекари од Кочани, Велес, Кавадарци, Скопје и Виница.“ се вели во соопштението.