ЌЕРКА ТИ ПРЕГАЗИ ДЕТЕ: Уапсени изманици од Куманово и Штип
МВР објави дека во Куманово се приведени еден кумановец и еден штипјанец кои изманипулирале стара жена за 100.000 денари.
„На 02.06.2024 во 20.00 часот, полициски службеници од СВР Куманово го лишиле од слобода И.Ф.(52) од Куманово, додека на 03.06.2024 на Граничен премин Табановце бил задржан С.Ш.(57) од Штип.
Тие се сомничат дека на 01.06.2024 измамиле 79 - годишна жена од Куманово за сума од 100.000 денари. Тие ѝ се јавиле на телефон и претставувајќи се како вработени во полиција и ги побарале парите за да помогнат нејзината ќерка да не оди во затвор за наводна сообраќајна несреќа во која учествувала, а во која настрадало дете“, соопшти полицијата.
Лицата биле приведени во полициска станица и по целосно документирање на случајот против нив ќе следуваат соодветни пријави.
Слично
Поврзани вести
