Во епидемиолошкиот прашалник ќе се направат извесни промени со цел да се зголеми бројот на тестирањата, а ваквата одлука за Фактор ја потврди директорот на Институтот за белодробни заболувања кај децата Козле, д-р Ангелчо Андоновски, кој истовремено е член на Комисијата за заразни болести.

- Здравствените власти во заедничка сосработка со Комисијата за заразни болести, Мој термин, Институтот за јавно здравје и Центарот за одлучија да се поедностави и прошири опфатот на тестираење кај сите лица кои што сметаат дека им е неопходен Ковид тест. Ваквата мерка ќе се донесе, односно алгоритмот ќе претрпи извесни промени за да има поголем број на тестирања и да не се случи да дојде до несакани отфрлања од системот, вели д-р Андоновски за Фактор.