Замрсено клопче околу убиството на семејството Поцеста кое на 26 април беше убиено на спиење во семејниот дом во Дебар.

Прва осомничена е ќерката.

Последните информации пласирани во дел од медиумите од Коха велат дека ќерката на грозоморно убиените мајка Назмие (53) , татко Амит (54) и сестра Анила Поцеста (14) признала дека е организатор на убиството но дека не пукала лично таа.

Сепак, неофицијално, форензичарите во куќата откриле само нејзини траги.

Според Инфо шкип, Блерта П. (28) во ликвидацијата на родителите и сестрата имала двајца соучесници кои заедно со неа се наоѓаат во притвор.

Едниот од нив кој бил од Дебар и помогнал со снабдевање на оружјето, додека другиот и обезбедил превоз од Италија.

Се уште не е исклучена можноста токму таа да го извршила морбидниот чин кој не е запаметен во Дебар, но и државата.

Медиумите во Италија пак пренесоа дека Блерта во италијанската полиција била заведена како нарко зависник и често користела нарко дроги, а дел од нашите медиуми пак пишуваат дека злосторството го извршила за пари кои се бројат во милијарди.

Сепак, се додека официјалната истрага на МВР трае, дотогаш овие информации се неофицијални.