Повеќе од 1,3 милиони туристи очекуваат надлежните годинава, по добрата 2018 година.

Според министерот за економија, Крешник Бектеши, годинава се очекуваат над 4 милиони ноќевања. Вели дека заедно со хотелиерите се работи на нова бренд стратегија.

„Почнавме со мерката за субвенционирање на домашниот туризам и за работниците со ниски приходи. Продолжуваме и оваа година. Сакам да ве известам дека од 26 пријавени хотели, 14 се од Охрид“, изјави Бектеши.

Македонија лани го надмина прагот од 1 милион туристи. 

Најголемиот број од странските туристи доаѓаат од Турција, Србија, Косово, Бугарија, Грција, Албанија и Холандија. Иако во јануари е забележан раст на бројот на туристи споредено со лани, а намален е бројот на ноќевања.