По завршните зборови, за денеска е закажана пресудата за Гордана Јанкулоска, поранешната министерка за  внатрешни работи, за случајот „Тенк“ во врска со набавката на луксузниот мерцедес.

Обвинителството побара таа да биде осудена за злоупотреба на службена должност и овластување. Поранешниот премиер Никола Груевски за истиот случај веќе е соуден на две години затворска казна, а помошникот во министерството Ѓоко Поповски доби намалување од 6,5 на 4,5 години казна затвор на Апелација.

Јанкулоска побара ослободителна пресуда со изговор дека немала намера никому да влијае и да врши притисок. При тоа се расплака во судницата, велејќи дека неодамна станала мајка.