КОЈ ЌЕ ОСТАНЕ СО ТАРВАРИ? Алиу јавно потврди дека патот го продолжува со ВЛЕН по средбата со Курти каде беше заедно со Фетаи
Зачестија гласините дека дел од пратениците од редовите на Алијанса на Албанцијте нема да го следат Арбен Таравари и да ја напуштат владината коалиција.
Денеска вицепремиерот Арбен Фетаи, заедно со Азир Алиу, Сирија Рашити и Фета Алими, беа на посета кај премиерот на Косово, Албин Курти.
Фетаи на социјалните мрежи објави фотографии од средбата и напиша:
-На разденувањето денес, заедно со неколку пријатели по идеал од Алијансата за Албанците, тргнавме кон Приштина, минувајќи по автопатот „Арбен Џафери“, пат што за нас не е само инфраструктура, туку симбол на нашата духовна и национална врска.
Таму, во Приштина, водевме братски разговор со нашиот пријател, Албин Курти. Она што нè обединува денес, повеќе од кога било, е нашата заедничка визија и идеал за напредок и развој — идеал што не познава граници, ниту пречки, изјави Арбен Фетаи, вицепремиер.
Еве ја неговата објава:
Но, пораката која денеска ја објави поранешниот министер за администрација, Азир Алиу, на неговиот Фејсбук профил укажува дека тој веќе донел одлука да остане во коалицијата ВЛЕН, а не да го продолжи патот со Таравари.
- Јас верувам дека определбата за промена во општеството не се напушта при првиот отпор – туку се гради со уште повеќе работа!
Со голема почит кон претседателот на партијата и неговото право на политичка проценка, чувствувам должност јавно да кажам дека јас ќе продолжам да бидам дел од процесот што го започнавме сите заедно во ВЛЕН и во оваа Влада!
Владата што првпат сериозно ги отвори институциите и почна системски да се бави со работите, почна пресметка со корупцијата и криминалот и го подигна гласот против заробената држава на веќе познтите корумпирани структури во ДУИ.
Можеби не сме совршени. Но никој не може да каже дека ВЛЕН и оваа коалиција не донесоа нова динамика, нова надеж и вистински притисок за структурни промени!
Сметам дека излегувањето во овој момент – без јасен план, дава можност за индиректно рехабилитирање и “лечење” на старите ДУИ структури и нивните несмасни наративи – а тоа е чекор што јас не го делам, бидејќи верувам дека секој еден млад албанец, интелектуалец, заслужува поразлична политичка опција - авангарда која сака поразлична иднина од досега, одбира победа за надежта, за ставање на паметните и вредните, а не багабонтите, на пиедесталот на општеството!
Останувам рамо до рамо со тие што продолжуваат да се соочуваат со предизвиците - гледајќи ги право во очи, бидејќи сега повеќе отколку било кога ни треба обединување како народ, а не разделување кое единствено им оди во прилог на тие што се противат на прогресот!
Останувам со граѓаните, со идејата за вистинска промена, со борбата што почна да носи резултати! Бидејќи тоа е суштината поради која ВРЕДИ да се занимаваме со политика ! - напиша Алиу на својот Фејсбук профил.
Еве ја неговата објава.
Инаку, Арбен Таравари ја напушти коалицијата Вреди - ВЛЕН со цел на локалните избори да настапи со посебни советнички листи. Поради тоа беше принуден да се повлече и од Владата, додека неговата оставка од функцијата министер за здравство ќе биде констатирана во вторник во Собранието.
Доцна синоќа и претставникот на Вреди, Изет Меџети посочи дека можно е дел од пратениците на Европскиот фронт да преминат во владината коалиција.
Слично
Поврзани вести
