Ќе наврнат над 35 литри дожд на метар квадратен
Облачно со врнежи од дожд ќе биде утре. Врнежите ќе бидат поинтензивни во вечерните и ноќните часови. Пообилни врнежите ќе бидат во западните делови, каде на места ќе наврнат над 35 л/м2.
Во текот на утрешниот ден ќе дува и засилен, на моменти силен јужен ветер со брзина над 90 километри на час.
Врнежи од снег најпрво ќе има само на повисоките планини, а до недела наутро снежната граница ќе се спушти до околу 1.500 метри надморска височина.
Во недела претпладне ќе има локални врнежи, а до крајот на денот облачноста ќе се намали и ќе настапи преодно стабилизирање на времето.
Слично
Поврзани вести
