Денеска е првиот од двата дена рок во кој Апелационен суд треба да одлучи дали да ги прифатат жалбите на поранешниот министер за транспорт и врски Миле Јанакиески и екс-владиниот генерален секретар. Владимир Божиновски и да им се овозможи да се бранат од притвор за делата за кои се обвинети од СЈО.

Јанакиески вчера аргументираше дека е премногу дисциплиниран кон судот и дека нема индиции на мотиви дека би сакал да бега надвор од земјата, додека кај Божиновски адут во убедувањето му се дека има мошне мали деца и болна сопруга.

На барање на СЈО поради сомневање за бегство од државата Двајцата беа експресно притворени истиот ден кога поранешниот премиер Никола Груевски објави дека е во Унгарија и дека чека азил.