До февруари континуирано ќе следат бранови на нови огласи за вработувања во државните органи и други јавни институции, објави 24 Вести, повикувајќи се на владини извори.

Од таму рекле дека зглоемениот број на огласи за нови вработувања се должи на тоа што се ближи датумот 3 февруари, за кога се закажани претседателските избори, а од тогаш па до самото гласање во мај законски не е дозволено примање на нови кадри во министерствата, управите и другите установи.

Од министерството за финансии немаат одговор за тоа за колку вкупно нововработени ќе станува збор, а од опозициската ВМРО-ДПМНЕ веќе наведоа дека во новата година веќе преку огласи се бараат 300 нови работници.