ЌЕ ИМА СПЕЦИЈАЛНИ КАНТИ ЗА ФРЛАЊЕ НА МАСКИТЕ И РАКАВИЦИТЕ - од денеска нема оправдување да бидат на улица
Дури 75 специјални канти за одлагање на заштитни маски и ракавици со цел да се спречи ширењето на вирусот, од денеска ќе бидат поставени на територијата на Македонија.
Ова го најавуваат од невладиниот сектор, односно од центарот за еколошка демократија Флорозон.
Околу 30 канти за оваа намена ќе има на улиците во Скопје. Од граѓанското здружение велат дека сакаат директно да влијаат на потикнување на општествената одговорност.
Одлагањето на заштитните маски и ракавици во Скопје, ќе го спроведува ЈП Комунална Хигиена, од каде апелираат отпадот да биде уредно спакуван и да се фрла само во кантите кои се специјализирани за оваа намена.
Граѓанското здружение потпиша меморандум за соработка и со јавните комунални претпријатија во Куманово, Охрид, Кичево и Струга.
Слично
Поврзани вести
