Градоначалничката на Град Скопје, Данела Арсовска е нов претседател на партијата, Нова Алтернатива, потврдуваат од партијата. Оттаму најавуваат дека утре во 18 часот ќе има конвенција за промоција на Арсовска.

Неодамна, Арсовска најави дека ќе формира своја политичка партија, со цел да учествува на престојните избори. 

„Сме во една постапка да покажеме на граѓаните дека може различно од она кое што 30 години кога овие две политички елити само си ги менуваат позициите, а остануваат со истите ставови и едвај чекаат да ја зафатат фотелјата и да продолжуваат да го прават истото против кое претходно кажувале дека ќе се борат. Да им укажеме на нашите граѓани дека некој може да дојде и да работи поинаку“, кажа Арсовска во дебатна емисија.