Ќе ја полни ли навреме и во планираните износи државната каса? Ќе им дише ли во врат на Царина и на УЈП? И на крај ќе успее ли да најде начин или „квасец“ за фамозните капитални инвестиции? Ќе може ли да им помогне на Сугарески, Анѓушев, Бектеши и другите министри од кои се очекува да ги „одлепат“ капиталните инвестиции реално да го направат тоа?

Нина Ангеловска, е млада амбициозна жена коосновач и косопственик на трговска платформа позната како „Групер“ која посредува на продавачи на стоки и услуги и ги прави подостапни за клиенти. Фирмата сопственик на „Групер“ се вика „Вебспот“ ДОО и лани имала приходи од 373.000 евра, а направила добивка што надминува 100.000 евра.