Дава поддршка за Законот за Јавно обвинителство , но им нуди и коалиција на албанските партии со цел здружување против ДУИ.

Арбен Таравари кој раководи со општина Гостивар им даде предлог на другите албански партии, односно на Беса и на Алтернатива да се здружат против ДУИ во коалиција.

Анкетите на кои се повика Таравари покажале дека за да ја победат моментно најголемата албанска партија, ДУИ на Али Ахмети ќе им треба тројна коалиција.

Она на што се осврна Таравари, во емисијата Топ тема на Телма беше законот за кој во овој момент се кршат копјата меѓу двете најголеми партии од македонскиот блок.

Градоначалникот на Гостивар посочува дека законот треба да се донесе пред да се распушти Парламентот на 12 февруари.