Ќе ги убеди ли Владата газдите недела да биде неработен ден за сите
Недела да биде неработен ден за сите и да се воведе плаќање по час.
Ова, според вицепремиеркта Мила Царовска, се новите предизвици на коишто Владата треба да работи идниот период.
„За ова ќе мора да дебатираме со бизнис секторот и со синдикатите. Сите заеднички да ја донесеме одлуката што ќе биде најдобра за сите“, рече Царовска на трибината Агенда Социјална заштита 20-24.
„Тука, на оваа трибина денеска се отворија многу прашања, значи дека сме на половина пат од процесите што ги започнавме. Сите мерки што ги креиравме изминатите две и пол години во широка консултација со засегнатите страни дадоа одлични резултати. Меѓу нив се Оперативните планови, зголемувањето на минималната плата и субвенционирањето за раст на плати, воведувањето на гарантираниот минимален приход и другите додатоци, како обезбедувањето на 12.000 стечајни работници“, рече Царовска.
Затоа, преку соработка со засегнатите страни, таа најави продолжување со носење мерки и политики во интерес на граѓаните, нивна поголема вработливост и намалување на сиромаштијата.
Инаку, досега работниците како главни проблеми постојани ги истакнуваат работењето прекувремени саати, работење на празници, како и во недела. Главно со ова се соочуваат вработените во супермаркети, трговските центри, градежните, како и текстилните работници.
Слично
Поврзани вести
