Генералниот секретар на СДСМ, Александар Кирацовски во чест на денешниот празник Велики поклади Прочка упати честитка до граѓаните и до поглаварот на МПЦ – Охридска Архиепископија, г.г. Стефан.

„ Ви го честитам денешниот празник со желба за добро здравје, духовно помирување и обединување околу вистинските вредности на мир, пријателство и меѓусебно почитување што ги носи овој ден.  Пораката што ја праќа денешниот празничен ден нè води кон патот на нашето индивидуално и меѓусебно помирување и ни помага во градењето на едно општество на еднакви граѓани, концепт што носи добро за сите. Пред нас е време на лична и општествена одговорност. Да почитуваме за да бидеме почитувани, да простуваме и да ни биде простено“, напиша Кирацовски во честитката.