Кирацоски му рече на Вељаноски или да работи во интерес на граѓаните или да стане од фотељата
Пратеникот од СДСМ, Александар Кирацоски денеска во Собранието изјави дека клучот за разрешница е во Трајко Вељаноски.
Тој му се обрати на Вељаноски и рече дека треба или да работи во интерес на граѓаните или да ја напушти фотељата.
„Ако работеше деловнички, зборот на 90% од пратениците ќе им беше одземен, точката ќе беше завршена, ќе изберевме претседател, па дури и нова влада на Македонија“ - вели пратеникот.
Вељаноски по ова изјави дека нема право да го ускратува правото на говор на пратениците и наведе дека за реплика на говорот на пратеникот Крсто Мукоски од ВМРО-ДПМНЕ се пријавиле 70 пратеници.
„А за станување од столчето ќе почекате малку, таа желба не ја исполнувам“ - кажа Вељаноски.
Во Собранието осми ден по ред трае конститутивната седница на која треба да се дебатира за избор на претседател, заменик на претседателот, членови и нивни заменици на Комисијата за прашања на изборите и именувањата.Конститутивната собраниска седница почна на 30 декември 2016 година, но беше прекината, затоа што не беше обезбедено парламентарно мнозинство за избор на претседател на Законодавниот дом.
Слично
Поврзани вести
