„КИНЕШЕ“ КОШУЛИ, СЕ ТРКАШЕ СО ИВАНОВ: Зад Пендаровски застана владеачката коалиција
Националниот координатор за НАТО, Стево Пендаровски, е заеднички кандидат на партиите од владечаката коалиција за претседател на Северна Македонија.
Ова стана јасно по конгресот на СДСМ, а предлогот на СДСМ, Пендаровски да биде заеднички кандидат, покрај најголемиот партнер во Владата, албанската ДУИ, го поддржале дваесеттина помали коалициони партнери на СДСМ и помалите албански во владината коалиција.
На прес конференцијата за медиуми, премиерот Заев рече дека тоа е историска одлука и дека Пендаровски „ќе биде претседател на сите граѓани подеднакво во Република Северна Македонија“.
-Прв пат во Македонија различните стојат зад ист кандидат. Се обединивме сите повторно, Македонци, Албанци, Срби, Власи, Турци, Бошњаци и сите други. Стоиме зад натпартиски кандидат-рече премиерот.
Заев додаде дека поддршката на Пендаровски мора да ја потврдат органите на сите партии поединечно. Конгресот на СДСМ на кој беше формализиран претседателскиот кандидат се одржа вчера.
Стево Пендаровски, кој не е формално член на СДСМ, беше кандидат на таа партија на претходните претседателски избори.
На барање на граѓаните на социјалните мрежи: Пенадровски ја скина кошулата и стана Супермен
Тогаш носителот во изборната единица 1 на СДСМ, Стево Пендаровски на прославата на опозицијата пред Влада ја раскопча кошулата и под неа го покажа знакот „С“ на суперхеројот Супермен.
Ова тој вети дека ќе го направи доколку победи, откако дел од граѓаните му сугерираа дека наликува на Кларк Кент и сега порача дека тој е човек од збор.
Може ли Македонија без НАТО и какви алтернативи има на располагање. На ова прашање свои размислувања даде Стево Пендаровски, Националниот координатор за НАТО на научната тркалезна маса „Алтернативи на и за НАТО минатата година н.
Според него, првата алтернатива е Македонија да прогласи воено-политичка неутралност, но тоа е, како што кажа, утопија во регионот во кој живееме и нешто што нема да има практичен ефект.
- Втората алтернатива е влез во евроазиски асоцијации. Базирано на анализи тоа нема да има никаква додадена вредност за Македонија. Во тие сојузи не постојат услови за членство и не вршат евалуација на нивото на усогласеност на политиките, рече Пендаровски.
Тогаш Пендаровски посочи дека придобивките за Македонија од членството во НАТО се огромни - заедничка заштита од кибер криминал, заедничка одбрана од разорниот ефект на т.н лажни вести.
- Како полноправна членка на НАТО ние би разменувале информации со сите моќни земји- членки за опасностите од тероризмот поттикнат од верски побуди, рече Пендаровски.
Стево Пендаровски:За решение ни треба широк политички консензус
Како претседателски советник во кабинетите на Борис Трајковски и Бранко Црвенковски, Пендаровски активно бил вклучен во разговорите за надминување на разликите со Атина. Во јавните настапи, Пендаровски инсистираше дека во разговорите никогаш не бил доведен во прашање македонскиот идентитет, туку дека разговорите се водат исклучиво околу компромисно име.
„Немам дилеми дека битката за името и идентитетот која наводно во наше име ја водат сите овие години на сите меридијани само успешно го покрива нашето стравично пропаѓање во однос на трите стратешки приоритети од витална важност за иднината на Македонија – економијата, демографијата и демократијата“, изјави Пендаровски во едно интервју за Фактор.
Пендаровски неодамна истакна и дека Македонија покажа завидно ниво на отпорност, жилавост, со оглед дека двапати се наоѓала на работ.
– Првиот пат тоа беше во 2001 година кога имавме внатрешен конфликт, а само четири години подоцна во 2005 добивме статус кандидат за ЕУ. Вториот пат кога се вративме од работ е мината година кога по 11 години тврд автократски режим, за само една година добивме покана за членство во Алијансата. Сега, една година по упадот во Собранието разговараме Македонија да стане членка на Алијансата и начелно договорен датум за преговри со ЕУ за јуни следната година, оцени Пендаровски.
Потсети дека влезот во НАТО е најголемиот кохезивен фактор во земјава, имајќи предвид дека околу 80 отсто од граѓаните се за влез во Алијансата, без оглед на етничката припадност, што не е случај со останатите земји аспиранти.
За придобивките од НАТО денес, тој вели дека иако нема закана по територијалниот интегритет на земјава, светот се соочува со друг вид закани како хибридни војни, кибер напади и ефектот од лажните вести што можат да направат прилична штета на економијата во земјата.
– Имаме големи проблеми со тероризмот со верски поттекст, а фокусот е на блкискоисточните војни особено во Сирија, каде пто имаме наши граѓани кои војуваат таму и соработката во рамки на Алијансата во оваа област е многу потребна, рече Пендаровски.
Слично
Поврзани вести
