Кичевчанец на возраст од 52 години вчера починал во судир меѓу неговиот автомобил и товарно возило цитроен џампер на млад 29 годишен скопјанец.

„На 22.03.2021 во 18.05 часот било пријавено дека на магистралниот пат Охрид- Кичево, кај крстосницата со влезот за Славеј pланина, се случила сообраќајна незгода помеѓу товарно возило „цитроен џампер“, со скопски регистарски ознаки, управувано од Б.М.(29) од Скопје и патничко возило „фолксваген бора“, со кичевски регистарски ознаки, управувано од С.И.(52) од Кичево. На местото на незгодата починал возачот С.И., a сопатникот од патничкото возило „фолксваген бора“, Д.К.(40) од Кичево и возачот Б.М. се здобиле со тешки телесни повреди, констатирани во Специјалната болница „Св.Еразмо“ во Охрид. Извршен бил увид на местото на незгодата од Јавен обвинител и увидна екипа од СВР Охрид“, се вели во соопштението од Министерството за внатрешни работи.