Новинарот Томислав Кежаровски денеска објави дека од утре по втор пат започлнува судскиот процес за неговата поврзаност со предметот „Ликвидација“ во која е обвинет како оддавач на идентитетот за наводниот заштитен сведок во судењето убиството во велешкото село Ореше во 2005, иако потоа истиот сам призна дека сведочел лажно под притисок на полицијата. 

- Утре точно на пладне, во Кривичниот суд во Скопје, тргнувам по втор пат да ја истерам правдата на виделина, една од основните омилени филозофско-рекреативни на народот населен на овие простори, општоприменлива во последните триесетина години. Од делителите на правдата не сакам многу....Сакам само фер и правично судење. Ништо повеќе....Сакам одлуката дали ќе бидам осуден или ослободен од обвинението да се донесе во судот, а не некаде надвор од него, во некоја канцеларија или можеби хотелска соба, објави Кежаровски на ФБ-профил.

Судењето за предметот ,,Ликвидација” почнува од почеток по укинувањето на пресудата од страна на Врховен суд. Највисокиот суд ги укина пресудите за предметот кој е поврзан со убиството на Лазар Милошевски од 2005 година во велешко Ореше, а во кој еден од осудените е и новинарот Кежаровски.

Тој првично доби казна затвор од 4 години и 6 месеци, а потоа казната му беше намалена на 2 години затвор.  Осуммина лица поврзани со предметот „Ликвидација“ беа осудени за различни кривични дела.