Професорот Јове Кекеновски на својот Фејсбук профил пишува дека најголем дел од македонските политичари се лишени од поимот морал. 

Моралната одговорност за жал сѐ уште е непознат поим во македонската политика, наведува Кекеновски. 

„Како поинаку да го протолкувате молкот на најголемиот број од 32-та члена на ИК и на повеќето од 120-те членови на ЦК на ДПМНЕ за невидениот изборен дебакл. Сите тие имаат фластер на устата кога треба да проговорат пред јавноста за сопствената и одговорноста на партиското раководство, а во разговор со свои блиски, фрлаат дрвја и камења” и говорат за инфантилизам на сопственото партиско раководство. Озборувањето, сплеткарењето и калкулациите зад грб во замена за непонесување на сопствената одговорност е уште поголем неморал“ - пишува Кекеновски. 

Во постот професорот додава дека оставка и одговорност во политиката поднесуваат само достоинствени и доблесни луѓе.