Според универзитетскиот професор, Јове Кекеновски  европските институции вршат притисок за побрзо решавање на спорот со името и тоа до јуни, Македонија да стане членка на НАТО и да добие покана за почеток на преговорите со Европската Унија.

Кекеновски посочува дека потребно е  грчката страна да направи одредени отстапки во однос на седумте позиции во преговорите и дека Македонија не смее да попушти во однос на својот идентитет и јазикот на македонскиот народ. 

„Се врши сериозен притисок, да се најде некој компромис. Очигледно дека ако се најде компромис, сигурно дека во тој компромис не треба да има поразени и победени. Мислам дека и Грците ќе мора да отстапат од оној тврд или крут став кој го имаат по однос на сите седум прашања“, вели Кекеновски за ТВ21.