Грчкиот весник Катимерини објави сензационална вест за името дека двете страни се блиску до формула која ќе биде клучот во преговорите. 

„Според добро информирани извори, Заев се согласил со erga omnes, но со „ѕвездички“, кои главно се однесуваат на внатрешна употреба. Накратко, ПЈРМ сака да го задржи правото да го користи терминот „Македонија" во земјата од различни причини (на пример, за името на институциите или субјектите како "Банка на Македонија", "Универзитет на Македонија" и сл.). Ова ќе овозможи издавање на дипломи, сертификати и други официјални документи во кои „Македонија“ ќе преживее по евентуалното решение за името“ – стои во анализата на Катимерини. 

Катимерини пишува дека двете страни веќе постигнале апсолутен договор за 10 од 14-те точки за кои се преговора, но се претежно од технички карактер.