Дека на 17 месецов ќе стават вето на преговорите, потврди и бугарскиот вицепремиер и министер за одбрана, Красимир Каракачанов за бугарската телевизија Канал 3. Т

Tој обвини дека македонската влада бегала од отворање на некои прашања, а дека последната комуникација ја имал во средата по самитот на берлинскиот процес.

Во однос на изјавата на премиерот Зоран Заев дека се надева дека земјава и со негативен епилог во вторник, може да ги почне преговорите до крајот на годинава, Каракачанов вели дека прашањето останува отворено и се зависело од Скопје.

„Јас сум подготвен и на Коледе да работам, и да преговараме на Бадник и Нова година. Ако до 31-ви се подготвени да ги прифатат нашите позиции, нема проблем. Но, во моментов, јас не гледам никакви индикации во Скопје да има желба да седнат и искрено да разговараат за проблемите. Не може да настапуваат со аргументи „ама ова е нашиот идентитет“. Чекајте, тоа е ваш измислен идентитет. Ако веќе зборуваме за некаков идентитет и државност, тоа е по 1944 година. Темата Македонија не е решена 100 години, вие сакате за 15. Ако може да ја решиме во следните 15 години, ќе биде добро“, вели Каракачанов.