Претседателот на Судскиот совет Зоран Караџоски за Фактор потврди дека добил  предлог-иницијатива за поништување на огласот за избор на претседател на Кривичниот суд поднесена од судијата Владимир Туфегџиќ.   Барањето од страна на  судијата  и кандидат за претседател  на основниот суд Скопје 1, Скопје  го добив вчера непосредно пред состанокот со судиите кои се пожалија од односот на претседателот на  Кривичниот суд Владимир Панчевски. 

Во моментов нема став за  предлог-иницијативата за поништување  на огласот за избор за претседател на Кривичниот суд.  Треба да ја разгледаме инцијативата  поднесена од судијата Туфегџиќ, но сега  не би можел да Ви кажам кога Судскиот совет оваа точка ќе ја стави на Дневен ред, изјави за Фактор Зоран Караџоски, претседател на Судскиот совет. 

Како што  ексклузивно објави Фактор  кандидатот за  претседател на  Кривичниот суд  Владимир Туфегџиќ до Судскиот совет вчера поднеле  предлог-иницијатива за поништување на огласот за избор на претседател на Кривичниот суд.

Причината за ваквиот негов потег е повреда на принципот на еднаквост и рамноправност при избор на судии и претседатели на судови и нивно доведување во нерамноправна положба во однос на веќе избраните судии и претседатели на судови во втората половина на 2016 година.

Горазд ЧОМОВСКИ