Објектот кој се гради во скопската населба Аеродром , веднаш спроти трговскиот центар Бисер ќе содржи трговски центар и дел за домување. Според планот на површина од 33.500 квадратни метри покрај  булеварот Јане Сандански,  никнува  трговскиот центар Кепитол. Како инвеститори на објектот се компаниите Сити плаца, Пера констракшн и Стон бриџ. Во објектот  ќе има 4 ката со дуќани како дел од трговскиот центар, додека  на 5,6 и 7 кат на околу 8 илјади квадратни метри ќе бидат направени 72 ексклузивни апартмани. Зградата која започна интензивно да се гради последнава година, веќе е дигната, а наскоро ќе почне и внатрешното уредување.