Kанадскиот премиер, Џастин Трудо, упати писмо со честитки за изборот за претседателот на Владата на Република Македонија, Зоран Заев. 

Тој пишува дека Канада го поздравува формирањето на новата Влада, и во име на неговата земја, изразува надеж за плодна соработка во иднина.

„Сигурен сум дека ќе продолжите да ја водите вашата земја со чест и одговорност достојни на поддршката на народот на вашата земја, кон светла иднина заснована на најавените реформи, на европските аспирации, и на заложбите за регионална стабилност. Канада и понатаму продолжува со поддршката на амбициите на Македонија за членство во НАТО и го очекуваме денот кога ќе ви посакаме добредојде во алијансата. Ви ги испраќам моите најдобри желби за успех во остварувањето на вашата владина програма и се надевам дека ќе имаме можност за соработуваме во остварувањето на нашите заеднички приоритети“- стои  во писмото од Трудо, до Заев.​