Кампот Љубаништа во Охрид. деновиве ги објави новите цени за сезоната 2026.

Според љубителите на ваквиот вид одмор, цените се превисоки и одговараат на цените во морските дестинации.

Па така, според ценовникот, за наем на бунгалов за 4/6 лица со големина од 48 квадрати, за еден ден во периодот од 11.07 до 10.09 изнесува 8.600 денари. Истиот бунгалов, за 2 дена чини 7.300 а за три и повеќе денови 6.700.

За наем на приколка во истиот период, за еден ден се плаќа 3.000 денари, за два дена 2.400, додека за три и повеќе денови 1.800 денари од ден.

Наем на помал бунгалов до 4 лица со големина од 24 метри квадратни во пикот на сезоната (што го наведовме погоре во текстот) изнесува 7.200 за еден ден, 6.100 за два и 5.400 за три и повеќе денови од ден.

За оние што сакаат престој во шатор за 2+2 лица, цената за истиот период изнесува 2.800 денари за еден ден, 2.400 за два и 1.600 за три и повеќе денови од ден.

За престој во прикола во пикот на сезоната изнесува 3.000 денари за еден, 2.400 за два и 1.800 за три и повеќе денови од ден.

Според граѓаните, цените се преголеми. Во коментари на објавата, пишува дека за тие пари ќе престојуваат некаде на море.