Камион пропадна во новоасфалтирана улица во Охрид
Локалниот огранок на СДСМ сподели фотографија од камион кој пропаднал на улицата „Аџи Мустафа“.во Охрид.
„По повеќе од 6 месеци хаотични и неспособно водени работи на улицата „Аџи Мустафа“, денес камион пропадна среде патот, разоткривајќи ја целосната негрижа и неспособност на локалната власт.
Наместо безбедна и функционална улица, граѓаните добија раскопан хаос, небезбедни услови и секојдневни проблеми“, реагираат од СДСМ Охрид.
Асфалтирањето на улицата „Аџи Мустафа“ со површина од 4800м2, како и изградбата на нови сливници за одведување на атмосферските води, заврши во текот на минатиот месец.
Вредноста на проектот изнесуваше 8.079.000 денари, а е реализиран преку Министерството за транспорт преку проектот за локални патишта.
Слично
Поврзани вести
