Дива мачка e регистрирана во заштитеното подрачје Вевчански извори. 

Камерите на еколошкото здружение „Еко свест“ регистрирале дива мачка. Дивата мачка е преосетлив и плашлив дивеч, строго заштитен вид. Во согласност со Законот за ловство на национално ниво забранет е нејзиниот лов. Исклучив месојад, кој вообичаено оди ноќе и взори по својот плен, а начинот на исхрана го приспособува според условите на своето живеалиште. По изглед слична е со питомата мачка.

„Има одлично развиен слух, вид и допир, а послаб мирис. Таа е силно и снаодливо животно, се движи внимателно и речиси нечујно, а може да скокне во должина и до 15 пати повеќе од своето тело. Од питомите мачки секогаш се разликуваат по црните усни и табани и големата влакнавост во внатрешноста на ушите. Главата на дивата мачка е поширока од главата на домашната“, велат од „Еко свест“.

Здружението објави информира дека фото замките биле поставени во 2018 година во рамките на проектот „Воспоставување на систем за мониторинг и управување со Вевчански извори Споменик на природата”, поддржан од УНДП. Во тек е реализација на проектот „Поддршка на одржливо управување на Заштитеното подрачје Вевчански извори“, што од минатата година го реализаира во ова заштитено подрачје со цел поддршка за одржливо управување. Во рамките на проектот во мултикултурниот центар „Коста Србакоски“ предвидено е да биде поставена трајна поставка за природа, преку која посетителите ќе можат да се запознаат со природното наследство на Споменикот на природа Вевчански извори и планината Јабланица.