Од денес до 31 јануари ќе се калибрираат камерите од системот „Безбеден град“, Министерството за внатрешни работи не наведува дали ќе има распоред за тоа на кои улици кога ќе се работи, но нагласуваат дека процесот ќе трае од 15 до 30 минути.

„Се вршат проверки на сообраќајните камери за да се осигури дека тие функционираат правилно и точно ги евидентираат сообраќајните прекршоци. Се вршат проверки за да се види дали камерата снима јасно, дали правилно ги чита регистарските таблички на возилата и дали податоците што ги евидентира се точни и безбедни. 

Активностите се очекува да се одвиваат во периодот од 20.01 (вторник) до 31.01 (сабота), во времето од 08:00 до 20:00 часот. Првата недела од активностите се очекува да се спроведе на локации во градот Скопјe. На секоја точка каде што е инсталирана камерата, проверката ќе се врши еднаш и ќе трае кратко (15-30 минути). Проверките ги врши Бирото за метрологија“, изјави Гоце Андреески, портпарол на Министерството за внатрешни работи.