Променливо време се очекува за велигденскиот продолжен викенд на крајот на оваа работна недела. Утре ќе има дестабилизација со услови за дожд и грмотевици, но без посериозни промени во температурите кои ќе надминуваат 20 степени и нема да се спуштат под 10.

Во петок ќе имаме посвежо време. Температурите ќе се спуштат под 15 степени. Цел ден се очекува да биде дождлив. 

Во сабота настапува разведрување и раст на температурите. Повремено ќе има облачност, а температурите ќе се движат нешто под 20 степени. 

Во недела времето ќе биде ведро, а температурите ќе се искачат над 20 степени.

Слично време ќе имаме цела наредна недела  до почетокот на викендот кога постепено ќе следи наоблачување.