Центарот за нуркање „Акватек“ истражува и документира дека во Охридското Езеро има потонати бродови. 

Седум бродови во Првата светска војна се потонати во Охридското Езеро, а нивни  остатоци сѐ уште се кријат на дното на Охридското Езеро кај Струга. 

Бродовите се наоѓаат на 1.000 метри од крајбрежјето покрај градот Струга на длабочина меѓу шест и седум метри.

Од „Акватек“ планираат да ги документираат соодветно бродовите, со сите детали и се надеваат дека локацијата ќе биде заштитена како археолошки локалитет, дека ќе се најдат средства за да се истражат бродовите детално. Тие очекуваат да се создаде документација која потоа ќе може да биде презементирана и ќе го промовира локалитетот како нуркачка атракција за професионални и рекреативни нуркачи.