КАКВА СОВЕСТ - неготинчанец прво го оставил детето во градинка, па отишол да се тестира и излегол позитивен
Родител од Неготино во четвртокот го оставил своето тригодишно дете во градинка, а потоа отишол да се тестира за коронавирус, каде резултатот испаднал позитивен, информирале од Центарот за јавно здравје Кавадарци.
Од таму објасниле дека иако мајката не се тестирала, на детето ќе му биде направен тест.
Инаку, во градинката во која престојува детето денеска е потврден позитивен случај кај дете на иста возраст, кое било тестирано затоа што имало симптоми.
Во моментов во изолација се 13 деца, воспитувачка и негувателка.
Во изминативе 24 часа потврдени се 20 новозаболени ковид случаи во Тиквешко.
Слично
Поврзани вести
