Каков е водостојот на реките во Македонија?
Повеќето реки во земјава имаат водостој кој е помал за овој период од годината, а само три реки се движат околу просечното ниво.
Нивото на реката Вардар кај Скопје и Јегуновце и на Црна Река кај Новаци е двојно пониско од просекот за мај. Ова го соопштуваат од УХМР.
Вардар кај Велес и Демир Капија, како и Треска кај Македонски Брод се исто така под просечното ниво, а нешто повеќе од двојно е намален водостојот на Црн Дрим.
Многу пониско е нивото на реката Сатеска кое деновиве се движело од 2 до 7 сантиметри за разлика од мајскиот просек кој е 38 сантиметри.
Приближно на просечното ниво за овој месец се Пчиња, Струмица и Крива Река.
Слично
Поврзани вести
