Македонскиот премиер, Зоран Заев денеска даде одговор што тој мисли за изјавата на албанскиот колега, Еди Рама дека и границата со Македонија треба да се отвори, откако тоа се случи со Косово на стартот на оваа година. 

„Јас би ги отворил сите граници веднаш“ -  вели Заев.

Заев не гледа ништо спорно во изјавата на Рама за отворање на албанските граници кон соседите, вклучително и кон Македонија. Македонскиот премиер, во пораката на Рама препознава единствено економски бенефит и забрзување на протокот на патници и стока.

Рама, во својата порака на крајот од годината рече дека по отворањето на границата на Албанија со Косово, истото барање ќе биде насочено кон Црна Гора, Македонија и Грција, објави весникот Observer.

"Наскоро верувам дека наредниот пролет ќе ја ставиме границата меѓу Албанија и Косово во режимот на технички критериуми на Шенгенскиот договор. Отворена граница со Македонија, Црна Гора и Грција е исто така наша це во поблиска иднина со нашето членство во ЕУ ", рече Рама.