Времето денеска во Македонија ќе биде променливо облачно и нестабилно со пороен дожд, грмежи и засилен ветер. Во раните утрински часови ќе биде поизразено нестабилното и променливо време особено во западните делови, а околу пладне во источните делови е можно да наврнат над 15 литри на метар квадратен.

Во Скопје максималните дневни температури ќе достигнат до 16 степени. Во раните утрински часови со пороен дожд, грмежи и засилен ветер од западен правец, а веќе попладне облачноста ќе се намали.

Облачно и посвежо време  со повремени врнежи од дожд, кои на места ќе бидат пообилни ќе има и во текот на наредната работна седмица, освен во вторник кога ќе биде претежно суво.

На повисоките планински места се очекува врнежи од снег. Ќе дува умерен до засилен јужен ветер.