Марко Греговиќ од Хрватска, стручњак за онлајн кампањи и активист, на својот Фејсбук профил иронично објави дека сега има нова животна мисија: станал професионален револуционер и државен непријател. 

Тој вели дека инбоксот му е полн со навреди и закани откако во една македонската ТВ емисија бил претставен како комбинација од Че Гевара и Џејмс Бонд, како шпион во мисија за создавање револуции во Украина, Романија, Србија и Македонија.

Овие незгодни квалификации и јавни објави дека е државен непријател поврзан со британската тајна служба ги заслужи со посетата на Скопје на која одржал предавање за предностите и начините на развивање „crowdfunding“, кампањи, пишува Јутарњи лист.

Во Македонија бил пред еден месец на повик на невладината Lead и говорел за тоа како е корисно за невладините организации преку кампањи да се обидат да соберат финансиски средства кои ќе ги употребат за одредена цел од јавен карактер.

„Каква чест“, се шегува Марко Греговиќ и вели дека прозивиките и инсинуациите можеби звучат како шега, лоша шега, но признава дека „веројатно со такви конструкции кои може да ти го загорчат животот не би му било сеедно да живее во Македонија“.