Поради загадување на воздухот во последниве неколку дена, Град Скопје упати препораки до граѓаните да користат јавен превоз. 

Се советува граѓаните  да излегуваат на отворен простор само ако е неопходно. 

Малите деца, бремените, хронично болните и постарите да не излегуваат на улица и да не ги проветруваат просториите во кои се престојува. За греење, во печките граѓаните да користат суво и чисто дрво, и да не се горат отпадоци од мебел и недефинирани синтетички и отпадни материјали.

Автомобилите треба да се користат рационално и да се возат повеќе лица истовремено, а камионите кои немаат регулирано испуштање на отпадните гасови, да не се користат во сообраќајот.

Освен Скопје, висока загаденост на воздухот деновиве имаше и во Тетово, Битола, Куманово. Концентрацијата на ПМ10 честички во воздухот е неколкукратно повеќе од дозволеното.