Кадровските смени во МВР кои почнаа пред речиси две недели продолжуваат.

Вчера паднале неколку одлуки за разрешување и воедно именување на нови раководители во ресорот.

Сменети се началници на Петтата управа, крим полиција и внатрешна контрола.

Како што пренесе Дојче Веле Сашо Трајковски е новиот началник на Петтата управа во Управата за безбедност и контраразузнавање а од понеделник смени ќе добијат и единиците за специјални задачи и за брзо распоредувањ како и СВР Скопје, Куманово, Велес, Битола, Штип, Струмица.

Разрешена од раководната функција е и Анета Станчевска, помошник-министерка за внатрешна контрола и професионални стандарди во МВР. Нејзиниот глас се слушна во една од „бомбите“ поврзани со изборни измами и улогата на полицијата. На нејзината раководна позиција сега е назначен Дејан Андонов, кој долги години работел во секторот за внатрешна конрола, но потоа бил „прекомандуван“ во гранична полиција.

Од началник на крим-полицијата е сменет Марјан Наковски, а на таа позиција е назначен Марјан Коцев, советник во кабинетот на министерот Спасовски.

Како што споменавме пред две недели двете БЈБ и УБК добија нови директори а тоа се Лазо Велковски за директор на Бирото за јавна безбедност, а Горан Николовски за директор на Управата за безбедност и контраразузнавање.