Во Скопје има 3.868 активни случаи на коронавирусот, покажува најновата статистика на Институтот за јавно здравје.

Главниот град е и местото каде што секој ден има најмногу новозаболени граѓани од ковид 19, така што само вчера во метрополата имавме 195 новозаразени.

По Скопје, Битола е на второ место со активни случаи, таму дури 702 луѓе имаат коронавирус во моментов, односно се активни случаи.

Следува Прилеп со 423 активни случаи, а по него е Велес со 374 заболени во моментов.

Кавадарци има 319 активни случаи, а Куманово е по овој град, со 298 заболени граѓани од корона вирусот.

Градот каде што почна короната, пак, Дебар, во моментов има само еден активен случај од ковид 19. 

Вчера беа регистрирани 449 нови злучаи на зараза, како и 11 починати лица, од кои и млад охриѓанец на 33 години, за кого Министерството за здравство јави дека боледувал од дијабет тип 2 и не ја примал редовно соодветната терапија.